भारतात मागील काही दिवसांपासून मोठ्या प्रमाणामध्ये करोनाबाधितांची संख्या वाढत आहे. तर, करोनाचा सतत वाढणारा प्रादुर्भाव आता चिंतेचा विषय ठरत आहे. ऑगस्ट महिन्यामध्ये भारतामध्ये आतापर्यंत करोनाचे सर्वाधिक रुग्ण समोर आले आहेत. अमेरिका आणि ब्राझीलपेक्षाही ही संख्या अधिक असल्याचे पाहायला मिळत आहे. ऑगस्ट महिन्याच्या पहिल्या सहा दिवसांमध्येच भारत करोनाबाधितांच्या सर्वाधिक रुग्णसंख्येमध्ये तिसऱ्या स्थानावर पोहोचला. तर शुक्रवारीही भारतामध्ये करोनाचे ६० हजारांपेक्षा अधिक रुग्ण सापडले आणि तब्बल ९२६ जणांच्या मृत्यूची नोंद करण्यात आली.


ऑगस्ट महिना कोरोना अपडेट

●पहिल्या ६ दिवसांमध्ये भारतात ३, २८, ९०३ नव्या रुग्णांची नोंद 
●अमेरिकेत सहा दिवसांमध्ये ३, २६, १११ रुग्णांची नोंद
●ब्राझीलमध्ये २ लाख ५१ हजार २६४ नव्या रुग्णांची नोंद
२ ऑगस्ट, ३ ऑगस्ट, ५ ऑगस्ट आणि ६ ऑगस्ट रोजी जगातील सर्वाधिक रुग्णांची नोंद भारतात 

गुरूवारी देशातील करोनाबाधितांच्या संख्येनं २० लाखांचा टप्पा पार केला.