बिहारमधील निवडणुकीचा प्रचार अंतिम टप्यात पोहोचला असून, बिहार राज्य विधानसभा निवडणुकीमध्ये तिसर्‍या टप्प्यासाठी दाखल झालेल्या उमेदवारी अर्जांची आज तपासणी केली जाणार आहे. तर बिहार मधील बर्‍याच भागात आज भाजपाचे नेते निवडणूक सभा घेणार आहेत, तर कॉंग्रेस आपला जाहीरनामा आणि लोक जनशक्ती पार्टी आज आपला व्हिजन डॉक्युमेंट जाहीर करणार आहे.
बिहारमध्ये विधानसभेच्या निवडणूकीचा प्रचार जोरात चालू आहे. सर्व राजकीय पक्षांनी मतदारांना स्वतःकडे खेचण्यासाठी पूर्ण ताकद लावली आहे. निवडणूक मोर्चे व जाहीर सभा जोरात सुरू झाले आहे. NDA युतीच्या वतीने संरक्षणमंत्री राजनाथ सिंह आज बिहार राज्यात प्रचार करणार आहेत. आज राजनाथ सिंह तीन निवडणूक सभांना संबोधित करणार आहेत.
भाजपचे राष्ट्रीय अध्यक्ष J. P. नड्डा दोन मतदारसंघात प्रचार करणार आहेत. केंद्रीय मंत्री धर्मेंद्र प्रधान यांचाही आज तीन सभासाठी कार्यक्रम आहे. एनडीएच्या उमेदवारांच्या बाजूने मुख्यमंत्री नितीश कुमार चार बैठका घेतील. दुसरीकडे तेजस्वी यादव महायुतीच्या वतीने अनेक निवडणुका सभा घेतील. महायुतीत सामील असलेला मुख्य घटक असलेला कॉंग्रेस आज आपला जाहीरनामा जारी करणार आहे.
यासोबत लाजपाचे राष्ट्रीय अध्यक्ष चिराग पासवान आपला निवडणूक दौरा सुरू करणार आहेत. लाजपा आज 'बिहार फर्स्ट, बिहारी फर्स्ट' चे व्हिजन डॉक्युमेंटही जाहीर करणार आहे. बिहारमधील निवडणुका होण्यापूर्वी कोरोनाच्या स्थितीचा आढावा घेण्यासाठी आरोग्य मंत्रालयामधील तज्ज्ञांचे पथक आज राज्य दौर्‍यावर येणार आहे. निवडणूक वेळी गर्दीमुळे कोरोनाचा प्रसार रोखण्यासाठी उपाय सुचवणार आहेत.
0 टिप्पण्या