कल्याण-नगर महामार्गावरील माळशेज घाटात अचानक उभ्या असलेल्या व नगरकडून मुंबईच्या दिशेला जाणाऱ्या एका कारवार माळशेज घाटात दरड कोसळली आहे. यात कारचे नुकसान झाले तर दोघेजण बचावले आहेत.सम्पूर्ण घटना अशी की, माळशेज घाटमध्ये सध्या पाऊस आणि दाट धुके आहे. या घाटामधून शुक्रवारी सायंकाळी दोन मित्र कारने मुंबईला जात होते.
चहा पिण्यासाठी ते माळशेज घाटात कार बाजुला लाऊन खाली उतरले. हॉटेलमध्ये पोहचताच याच वेळी कारवर मोठी दरड कोसळली. यात कारचा चक्काचूर झाला. गाडीत कुणी नसल्याने दुर्घटना टळली. घाटात मध्यम स्वरूपाचा पाऊस पडत असून दाट धुके पसरलेले आहे. पावसाळ्याच्या सुरुवातीलाच दरड कोसळल्यामुळे प्रवाशांमध्ये भीतीचे वातावरण पसरले आहे.
