The highly prestigious Sahitya Akademi Award for the Marathi language was awarded to the novel 'Ujvya Sondyacha Bahulya'. The award was accepted by the author of the novel, Praveen Bandekar.




मराठी भाषेतील अत्यंत प्रतिष्ठेचा साहित्य अकादमी पुरस्कार 'उजव्या सोंडेच्या बाहुल्या' या कादंबरीला प्रदान करण्यात आला. कादंबरीचे लेखक प्रवीण बांदेकर यांनी हा पुरस्कार स्वीकारला.
नवी दिल्ली येथील कमानी सभागृहात आज साहित्य अकादमी पुरस्कार वितरण सोहळ्याचे आयोजन करण्यात आले होते. या पुरस्कार सोहळ्याला प्रमुख पाहुणे म्हणून प्रसिद्ध लेखक उपमन्यू चटर्जी, साहित्य अकादमीचे नवनियुक्त अध्यक्ष माधव कौशिक, नवनियुक्त उपाध्यक्ष कुमुद शर्मा आणि सचिव के. श्रीनिवास राव यांच्यासह २४ भाषांमधील पुरस्कार विजेते साहित्यिक व्यासपीठावर उपस्थित होते.

मराठी भाषेतील 'उजव्या सोंडेच्या बाहुल्या' या प्रायोगिक कादंबरीला 2022 सालचा मानाचा साहित्य अकादमी पुरस्कार जाहीर झाला. कोकणी भाषेतील माया खरेगते यांना 'अमृतवेल' या कोकणी कादंबरीसाठी हा पुरस्कार जाहीर झाला.

‘उजव्या सोंडेच्या बाहुल्या’ या कादंबरीविषयी…


'उज्व्या सोंडेच्या बाहुल्या' ही प्रायोगिक कादंबरी आहे. कादंबरी समकालीन संस्कृतीवरील संकटाचे नाट्यमय चित्रण करते. महाराष्ट्रातील दक्षिण कोकण भागात लोकप्रिय असलेल्या चित्रकथीसारख्या लोककला प्रकारांचा उत्कृष्ट वापर करून या कादंबरीचे वर्णनात्मक तंत्र नाविन्यपूर्ण आहे. कादंबरीतील कोंकणी आणि गोवा बोलींचा अधूनमधून कलात्मक वापर केल्यामुळे कादंबरीची वर्णनशैली समृद्ध झाली आहे. आपली ओळख हरवलेल्या विचारवंताची नॉस्टॅल्जिया अतिशय संवेदनशीलतेने चित्रित केली आहे. या सर्व आख्यानांमुळे 'उजव्या सोंडेच्या बाहुल्या' ही मराठी साहित्यकृती विशेष ठरली आहे.

प्रवीण बांदेकर, सुप्रसिद्ध मराठी लेखक, सिंधुदुर्ग जिल्ह्यातील वेंगुर्ला येथे जन्मलेले कवी-समीक्षक आहेत. त्यांनी इंग्रजी आणि मराठी साहित्याची निर्मिती केली आहे. ते सावंतवाडी येथील शासकीय कनिष्ठ महाविद्यालयात प्राध्यापक म्हणून कार्यरत आहेत. याआधी त्यांचे येरू मोहे, चालेगट, इंडियन अॅनिमल फार्म, चिनभीन असे साहित्य प्रकाशित झाले आहे. श्री बांदेकर यांना महाराष्ट्र फाऊंडेशन पुरस्कार, जैन फाउंडेशनचा ना. धों. महानोर पुरस्कार इत्यादी अनेक प्रतिष्ठित पुरस्कार प्राप्त झालेले आहेत.