Sathara : ज्या शाळेत शिकले भारतरत्न डॉ. बाबासाहेब आंबेडकर ती शाळा नेमकी कशी असेल? त्यांची स्वाक्षरी आपल्याला जवळून पाहता येईल ...
बाबासाहेबांचा शाळा प्रवेश दिन!, स्वाक्षरी मिरजेतील विद्यार्थ्यांनी अनुभवला चिमुकले इमारत पाहून हरखले.

अनेक प्रश्न त्या चिमुकल्यांना पडले होते की शाळा प्रवेश दिन म्हणजे काय असतं?ज्या शाळेत शिकले भारतरत्न डॉ. बाबासाहेब आंबेडकर ती शाळा नेमकी कशी असेल?.साताऱ्यातील प्रतापसिंह हायस्कूलमध्ये मिरजेतील (जि. सांगली) त्या शाळकरी विद्यार्थ्यांनी आपले पाऊल ठेवले. बाबासाहेबांची स्वाक्षरी पाहून शाळा प्रवेश दिन म्हणजेच विद्यार्थी दिनाचे महत्त्व जाणून घेतानाच विद्यार्थी हरखून गेले.राज्यात शाळा प्रवेश दिन म्हणजेच विद्यार्थी दिन ७ नोव्हेंबर हा दिवस म्हणून साजरा केला जातो. 

डॉ. बाबासाहेब आंबेडकर यांनी साताऱ्याच्या प्रतापसिंह हायस्कूलमध्ये शाळा प्रवेश दिना दिवशी म्हणजे ७ नोव्हेंबर १९०० साली प्रवेश घेतला होता. शाळा प्रवेश दिन हा विद्यार्थी दिन म्हणून साजरा करावा डॉ. बाबासाहेब आंबेडकर या शाळा प्रवेश दिनाचे स्मरण व्हावे,अशी मागणी केली जात होती.या मागणीला मूर्त रूप आले राज्य सरकारने २०१७ पासून हा दिवस विद्यार्थी दिन म्हणून साजरा करण्याचा निर्णय घेतला.शाळेत शाळा प्रवेश दिन मंगळवार, दि. ७ रोजी उत्साहात साजरा झाला. 

मिरज येथील आदर्श शिक्षण मंदिराच्या तब्बल ८० विद्यार्थी व शिक्षकांनी या दिवसाचे महत्त्व जाणून घेण्यासाठी मंगळवारी या शाळेला भेट दिली.शाळा प्रवेश दिनाचे महत्त्व राजेंद्र कांबळे यांनी सांगितले. मार्गदर्शन विशाल कांबळे  ‘बार्टी’चे समतादूत यांनी केले.वृषाली वाटवे,अश्विनी कोल्हापुरे, स्नेहलता कुरणे,कमलाकर मिसाळ, नंदिनी काटकर, स्वाती केरीपाळे या मुख्याध्यापिका उपस्थित होते.

जवळून सही  पाहता आली.. ज्यावेळी शाळेत बाबासाहेबांनी प्रवेश घेतला तेव्हा त्यांच्या नावाची नोंद भिवा म्हणून करण्यात आली होती.आजही शाळा प्रशासनाने १९१४  या क्रमांकासमोर जनरल रजिस्टरमध्ये त्यांच्या नावाची नोंदणी आहे आणि त्या नंबर समोरही बाबासाहेबांची स्वाक्षरी देखील आहे ऐतिहासिक दस्तऐवज म्हणून या शाळेने जपून ठेवले आहे. प्रथमच बाबासाहेबांची ही स्वाक्षरी विद्यार्थ्यांना जवळून पाहता आली. प्रत्येकाच्या चेहऱ्यावर सही पाहताना कुतूहल दिसून आले.विद्यार्थ्यांनी आपल्या डोळ्यात स्थापत्य कलेचा उत्कृष्ट नमुना असलेली शाळेची पुरातन व तितकीच देखणी इमारत सामावून घेतली.