श्रेयसची प्रकृती आता स्थिर असल्याची माहिती डॉक्टरांनी दिली आहे. खरे तर गुरुवारी ते मुंबईत एका चित्रपटाचे शूटिंग करत होते. शूटिंगनंतर त्यांची प्रकृती खालावली आणि ते अचानक कोसळले. त्यांची पत्नी दीप्ती यांनी त्यांना तातडीने जवळच्या रुग्णालयात दाखल केले.
आज त्यांना रुग्णालयातून डिस्चार्ज देण्यात येणार आहे. श्रेयस तळपदेला हृदयविकाराचा झटका आल्याने चाहत्यांना धक्काच बसला. चाहत्यांनी सोशल मीडियाच्या माध्यमातून चिंता व्यक्त केली होती, मात्र आता त्यांची प्रकृती स्थिर असल्याची माहिती डॉक्टरांनी दिली आहे. ते डॉक्टरांच्या देखरेखीखाली असून त्यांच्या प्रकृतीत सुधारणा होत आहे. श्रेयसला आज किंवा उद्या डिस्चार्ज मिळू शकतो, असे डॉक्टरांचे म्हणणे आहे. दरम्यान, श्रेयस लवकर बरा व्हावा यासाठी चाहते प्रार्थना करत आहेत. त्याच्या संभाव्य डिस्चार्जच्या वृत्ताने चाहत्यांनी सुटकेचा नि:श्वास सोडला आहे.
शूटिंगनंतर त्यांना हृदयविकाराचा झटका आला
आधीच्या माहितीनुसार, 14 डिसेंबर, गुरुवारी श्रेयस तळपदेने संपूर्ण दिवस 'वेलकम टू द जंगल'च्या शूटिंगमध्ये व्यतीत केल्याचे माहिती मिळत आहे. यावेळी, तो पूर्णपणे ठीक होता आणि सेटवर सर्वांसोबत मजा करत होता. शूटिंगदरम्यान त्याने अनेक अॅक्शन सीन्सही शूट केले.
शूट संपवून तो घरी परतला आणि त्याने पत्नीला सांगितले की त्याला अस्वस्थ वाटत आहे. त्याची पत्नी त्याला रुग्णालयात घेऊन जात असताना वाटेत तो कोसळला. रुग्णालयात पोहोचल्यानंतर अभिनेत्याला हृदयविकाराचा झटका आल्याची पुष्टी झाली.
श्रेयस तळपदे हा हिंदी आणि मराठी चित्रपटसृष्टीतील एक नावाजलेला चेहरा आहे. त्यांनी आजवर 45 हून अधिक चित्रपटांमध्ये काम केले आहे. सध्या तो अक्षय कुमारसोबत 'वेलकम टू द जंगल' या बॉलिवूड चित्रपटाचे शूटिंग करत आहे. या चित्रपटात श्रेयससोबत रवीना टंडन, दिशा पटानी, जॅकलीन फर्नांडिस, लारा दत्ता, सुनील शेट्टी, संजय दत्त, परेश रावल, अर्शद वारसी, तुषार कपूर, राजपाल यादव, जॉनी लीव्हर, किकू शारदा आणि कृष्णा अभिषेक या चित्रपटात दिसणार आहेत.
