Tipkyanchi Rangoli serial: लोकप्रिय मालिका ‘स्टार प्रवाह’ वाहिनीवरील नोव्हेंबर महिन्यात प्रेक्षकांचा निरोप ‘ठिपक्यांची रांगोळी’ने घेतला. प्रेक्षकांचं मनोरंजन २०२१ साली सुरू झालेल्या या मालिकेने दोन वर्षांहून अधिक काळ केलं. ही मालिका अल्पावधीतच लोकप्रियतेच्या शिखरावर पोहोचली. प्रेक्षकांच्या मनात या मालिकेतील शशांक, अप्पू, माई, दादा, विठू, सुवा, कूकी, पन्ना, बाबी आत्या अशा अनेक पात्रांनी घर निर्माण केलं. एवढंच नाही तर ही पात्र प्रेक्षकांना आपल्या घरातील वाटू लागली.
मनोरंजन क्षेत्रातील सर्व बातम्या वाचा एका क्लिकवर👆🔗
त्यामुळे प्रेक्षकांना जेव्हा कळालं ही मालिका बंद होणार आहे तेव्हा प्रेक्षकांनी 'मालिका सुरू ठेवा,' 'मालिकेचा लवकरच दुसरा भाग आणा’, अशा मागण्या केल्या. आता 'स्टार प्रवाह' ने प्रेक्षकांच्या याच मागण्यांना दाद देत 'ठिपक्यांची रांगोळी' मालिका पुन्हा एकदा सुरू करण्याचा निर्णय घेतला आहे. शशांक म्हणजेच अभिनेता चेतन वडनेरने ही आनंदाची बातमी दिली आहे.
सोशल मीडियावर अभिनेता चेतन वडनेरेने काही तासांपूर्वी एक व्हिडीओ शेअर केला आहे. “ठिपक्यांची रांगोळी(Thipkyanchi Rangoli)’ आता पुन्हा सुरू होणार…”, असे कॅप्शन देत त्याने एक व्हिडिओ शेअर केला आहे. चेतन या व्हिडीओत म्हणतोय, पुन्हा सुरू होतेय “‘ठिपक्यांची रांगोळी’ मालिका.. पण…पण…पण…यंदा हे मालिकेचं पुनःप्रक्षेपण असणार आहे. त्यामुळे ही मालिकाच तुम्हाला पुन्हा बघायची असेल तर स्टार प्रवाहच्या यूट्यूब चैनल वर जायचं आणि तिथे प्रत्येक सोमवारी सकाळी ठीक ९ वाजता मालिकेचं पुनःप्रक्षेपण होईल. या मालिकेचं पुनःप्रक्षेपण सोमवार ते रविवार होणार आहे. ज्यांची ही मालिका बघायची राहिली असेल किंवा जुने एपिसोड ज्या लोकांना पुन्हा एकदा बघायचे आहेत. त्यांनी आवर्जून ही मालिका बघा."
मनोरंजन क्षेत्रातील सर्व बातम्या वाचा एका क्लिकवर👆🔗
प्रेक्षकांनी जेव्हा चेतनने दिलेली आनंदाची बातमी ऐकून त्याच्या व्हिडिओवर भरपूर प्रतिक्रिया दिल्या आहेत. एक नेटकरी म्हणाली, "शशांक थँक्यू सो मच दादा खूप गोड बातमी दिली.” तर दुसरा नेटकरी म्हणाला, "आम्हाला मालिकेचा दुसरा भाग पाहिजे." तसंच तिसरा नेटकरी म्हणाला, " ‘ठिपक्यांची रांगोळी’चे एपिसोड आम्ही बघतोच पण ही मालिका एवढ्या लवकर का संपवली ते अजून आम्हाला समजलं नाही. 'ठिपक्यांची रांगोळी'चा दुसरा भाग आम्हाला तीच कलाकार मंडळी असलेली हवा आहे. प्लीज विचार करा.”
दरम्यान, ‘सुख म्हणजे नक्की काय असतं’ ही मालिका ‘ठिपक्यांची रांगोळी’ मालिकेच्या वेळेत सुरू आहे. तसेच ‘लक्ष्मीच्या पाऊलांनी’ ही नवी मालिका ९.३० वाजता प्रसारित होत आहे.
व्हॉट्सॲप ग्रुपला जॉईन व्हा👉
Join Now
टेलिग्राम ग्रुपला जॉईन व्हा 👉
Join Now